Аввалин бор Тоҷикистон маҳсулоти нассоҷии худро дар намоишгоҳи байналмилалии нассоҷӣ ва мӯди UzTextile Expo Spring дар шаҳри Тошканд аз 27-ум то 29-уми апрел ба маърази тамошо гузошт. Ба ҷуз ин, ҳайъати Тоҷикистон ҳамчунин, дар вохӯриҳои b2b бо ҳадафи барқарор кардани робитаҳои мустақими тиҷоратӣ ва тавсеаи имкониятҳои ҳамкорӣ иштирок кард.
Дар чорумин намоишгоҳи байналмилалии UZ Textile Expo Spring девораи Тоҷикистонро маҳсулоти се корхонаи ресандагӣ оро дод: “Гулистони Душанбе” (Душанбе) ва “Ортекс”-у “Раҳимов А.А.” ва 17 корхонаи дигар ҳам дар ҳайъати Тоҷикистон ба намоишгоҳ барои боздид, омӯзиши равандҳои нав, харидории маводи хоми лозима ба монанди риштаи омехта ва аксессуарҳо ва барқарор кардани робитаҳои нави тиҷоратӣ шомил шуда буд.
UzTextile Expo – намоишгоҳи байналмилалии нодир ва вижаи соҳаи нассоҷӣ ва мӯд дар Осиёи Марказӣ мебошад. Ҳар сол аз он бештар аз 9000 коршинос, соҳибкор ва тоҷир боздид мекунанд. Дар намоишгоҳ дастовардҳои соҳаи нассоҷӣ ва мӯд аз истеҳсолкунандагони пешсафи ҷаҳонӣ дар тамоми занҷираи истеҳсолот – аз нахи пахта то либоси тайёр ба маъраз гузошта мешавад. Чорабинӣ ҷиҳати дарёфти шарикон дар Узбекистон, бозори калонтарини Осиёи Марказӣ бо бештар аз 34 миллион харидор, кумак мекунад.
