Беҳрӯзи Субҳиддин, ки 22 сол дорад, бо гумони қаллобӣ аз тариқи интернет дастгир шудааст.
Ба иттилои Раёсати ВКД дар шаҳри Душанбе, дастгиршуда Беҳрӯзи Субҳиддин дар шабакаҳои иҷтимоӣ саҳифаҳои қалбакӣ бо номҳои «Солиҳин-ТВ» ва «Муҳаммад-ТВ» фаъол намуда, тариқи ин саҳифаҳо «бо нашри эълонҳои дурӯғин, ки гӯё ба афроди ниёзманд кумак мерасонад, шаҳрвандонро ба доми фиреби худ дароварда, барои ба онҳо расонидани кумак ва дар рӯйхати ниёзмандон ворид намудан, маблағҳои гуногун талаб намуда гирифтааст. Баъд аз гирифтани маблағҳои пулии шаҳрвандон дигар ба зангҳои онҳо ҷавоб надода, рақамҳои телефонашро хомуш кардааст.»,- омадааст дар хабари Раёсати ВКД дар шаҳри Душанбе
Зиёда аз 20 ҳолати бо чунин шакл фиреб додани шаҳрвандон муайян карда шудааст, ки номбурда ба ҳар яке аз шаҳрвандон аз 800 то 2 ҳазор сомонӣ зарар расонидааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
2
+1
+1
+1
+1
+1
+1
