Чемпиони Тоҷикистон — тими «Истиқлол»-и Душанбе дар марҳилаи гурӯҳии Лигаи чемпионҳои КФО-2022 дар гурӯҳи “А” дар даври чорум низ мағлуб шуд.
«Дастаи Виталий Левченко 19 апрел дар бозии ҷавобӣ аз ғолиби феълии мусобиқа, тими «Ал-Ҳилол»-и Арабистони Саудӣ бо ҳисоби 0:3 ноком гардида, имконияти баромадан аз гурӯҳро аз даст дод.»,-хабар медиҳад Кумитаи олимпии Тоҷикистон.
Дар бозии дигари гурӯҳ дастаи “Райян” (Қатар) бар тими “Шарҷа” (АМА) пирӯз шуд — 3:1.
Ҳамин тариқ, пас аз чор давр “Ал-Ҳилол” бо 12 хол пешсаф аст. “Райян” бо 7 хол дар ҷои дуюм, “Шарҷа” бо 3 хол дар ҷои сеюм, “Истиқлол” бе хол дар ҷои чорум мавқеъ доранд.
Дастаи «Истиқлол» дар ду даври боқимонда бо дастаҳои “Райян” (23 апрел) ва “Шарҷа” (28 апрел) вомехурад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
