Рӯзҳои 1 то 3 апрели соли равон сайри ҷаҳонии ҷудо бо мусобиқаи “Antalya Grand Slam 2022” дар шаҳри Анталияи Туркия идома мекунад.
Ба иттилои Кумитаи олимпии Тоҷикистон, дар мусобиқа иштироки 535 варзишгар (319 мард, 216 зан) аз 65 давлати дунё дар назар буда, тими мунтахаби ҷудои Тоҷикистон дар ҳайати 8 варзишгар дар он ширкат мекунанд:
-60кг – Меҳрзод СӮФИЕВ
-66кг – Абубакр ШЕРОВ
-66кг – Шаҳбоз САИДАБРОРОВ
-73кг – Сомон МАҲМАДБЕКОВ
-90кг – Комроншоҳ УСТОПИРИЁН
-90кг – Ҷаҳонгир МАҶИДОВ
-100кг – Абубкри АКОБИР
+100кг – Темур РАҲИМОВ
Рақобат тибқи қоидаҳои Федератсияи байналмилалии ҷудо дар ҳафт вазн миёни мардҳо ва ҳафт вазн миёни бонувон сурат мегирад. Ғолибону ҷоизадорон дар баробари медал бо ҷоизапулӣ қадрдонӣ мегарданд – барои ҷои аввал 5000 евро, барои ҷои дуюм 3000 евро ва барои ҷои сеюм 1500 евро.
