15 хонандаи мактаб аз Тоҷикистон миёни 2000 иштирокчиии Олимпиадаи байналмилалии фаннӣ – COPERNICUS дар Хюстони ИМА сазовори ҷойҳои ифтихорӣ гардиданд.
Вазорати маориф ва илми Тоҷикистон хабар медиҳад, ки олимпиада рӯзҳои 8-16-и январи соли ҷорӣ дар Осорхонаи фановарии шаҳри Хюстони Штати Техас аз фанҳои физика ва астрономия доир гардид, ки дар он аз 50 кишвар ширкат кардаанд.
«9 хонандаи Мактаби байналмилалии Президентӣ дар шаҳри Душанбе, аз ҷумла, Маъруф Исомиддинов — хонандаи синфи 8 ва Томирис Миралибекова — хонандаи синфи 5 соҳиби ҷойи 2, Бенёмин Зуҳурзода — хонандаи синфи 6, Салман Саминов — хонандаи синфи 5, Юсуф Салимзода — хонандаи синфи 5, Абдуҷамил Холиқов — хонандаи синфи 5, Умар Ҳафизов — хонандаи синфи 8, Бибиоиша Қодирова — хонандаи синфи 7 ва Мирзоқобил Бадиев — хонандаи синфи 8 соҳиби ҷойи 3 мебошанд.
Ҳамзамон, 6 нафар хонандаи Литсей барои хонандагони болаёқат дар шаҳри Хуҷанд дар Олимпиадаи мазкур иштирок намуда, як медали нуқра, панҷ медали биринҷӣ ва Ҷоми даставиро аз фанни физика ба даст оварданд, ки инҳо Фаррухи Шералӣ – хонандаи синфи 8, ҷойи дуюм аз фанни табиатшиносӣ, Амир Абдуллозода – хонандаи синфи 9, ҷойи сеюм аз фанни физика, Меҳрангез Абдуллоева – хонандаи синфи 11, ҷойи сеюм аз фанни физика ва астрономия, Ардашерхоҷа Ботурхоҷаев – хонандаи синфи 11, ҷойи сеюм аз фанни физика ва астрономия, Шараф Муқумов – хонандаи синфи 8, ҷойи сеюм аз фанни табиатшиносӣ ва Акрамхоҷа Мамуров – хонандаи синфи 8, ҷойи сеюм аз фанни табиатштносӣ мебошанд.»- омадааст дар хабари сомонаи Вазорати маориф ва илми Тоҷикистон.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
