Директори генералии Ҷамъияти саҳомии КамАЗ Сергей Когогин фармонеро имзо кард, ки истифодаи дастгоҳҳои электронии Apple-ро аз ҷониби кормандони ширкат барои корҳои идорӣ манъ мекунад. Дар сомонаи Kamaz зикр шудааст, ки ин маҳсулоти амрикоӣ аз ҷиҳати ҳифзи иттилоот ба таври кофӣ эътимоднок эътироф нашудааст.
Ин маҳдудият на танҳо ба iPhone, балки соатҳо, планшетҳо, ноутбукҳо, компютерҳои персоналӣ ва дигар таҷҳизоти Apple дахл дорад. Ба ин дастгоҳҳои симкортҳои корпоративии КамАЗ истифода набояд шавад.Қаблан як қатор вазоратҳои Русия ва ҳамчунин ширкатҳои давлатӣ, аз ҷумла Ростек ва Роҳи оҳани Русия ба кормандони худ истифодаи дастгоҳҳои Apple-ро барои корҳои идорӣ манъ карда буданд.
Акс аз интернет