Камолзода Саид Олим, сардори Раёсати Хадамоти меҳнат ва муҳоҷират дар вилояти Суғд таъйин гардидааст. Ин ҷавони 24-соларо ахиран вазири меҳнат ва муҳоҷират ба ин маснад таъин намуд.
«Дар ҷаласа Алишер Ализода, муовини вазири меҳнат ва муҳоҷират, Тоҳир Каримзода, сардори Хадамоти вазорат ва Анвар Яъқубӣ муовини раиси вилояти Суғд иштирок намуда, Камолзода Саид Олимро расман сардори нави Раёсати Хадамоти меҳнат ва муҳоҷирати вазорати меҳнат ва муҳоҷират дар вилояти Суғд муаррифӣ карданд.», – хабар додааст Диловар Муродов, сармуттахасиси ин идора ба расонаҳо.
Саид Камолзода соли 1997 дар ноҳияи Восеъи вилояти Хатлон ба дунё омада, соли 2018 Донишгоҳи давлатии ҳуқуқ бизнес ва сиёсати Тоҷикистон дар шаҳри Хуҷандро бо ихтисоси менеҷмент хатм намудааст. Солҳои 2015 – 2019 ба ҳайси муовини роҳбари ширкати “Манора -2014”, соли 2019 муовини раиси ҷамоати шаҳраки Ғафурови Суғд ва соли 2020 дар вазифаҳои мудири бахши дин, танзими анъана ва ҷашну маросимҳо ва сардори шуъбаи Хадамоти муҳоҷират дар ноҳияи Бобоҷон Ғафуров фаъолият кардааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
