Имрӯз додгоҳ маълум мекунад, ки Новак Ҷокович, тенисбози рақами №1-и ҷаҳонро чӣ интизор аст. Вакилони дифои ин варзишгар даъвои фаврӣ пеш овардаанд, ки қарор аст имрӯз, 10 январ баррасӣ шавад.
Ҳафтаи гузашта Новак Ҷокович мехост бар хилофи қавонини Австралия ва бидуни имтиёзи тиббӣ вориди Австралия шавад, аммо марзбонони австралиягӣ аз вуруди теннисбози сербӣ ба кишварашон монеъ шуда буданд. Баъдан Новак Ҷоковичро пулис дуртар аз фурудгоҳ шаш соат боздошт кард. Ҳоло ӯ дар меҳмонхонаи Park Hotel, ки паноҳҷӯёни боздоштшуда ҷойгиранд, ба сар мебарад.
Падари Новак Ҷокович исрор карда буд, ки писараш дар асорат аст, аммо вазири корҳои дохилии Австралия Карен Эндрюс дар мусоҳибае инро рад кард. «Ҷокович озод аст, Австралияро ҳар вақт, ки бихоҳад, тарк кунад ва марзбонон воқеан ба ин мусоидат хоҳанд кард.»,-гуфтааст ин вазир
Қарор аст, мусобиқаи кушоди Австралия оид ба теннис пас аз даҳ рӯз, 17 январ оғоз шавад.
