Илон Маск омодагии худро барои мубориза бо Марк Cукерберг, молики Meta эълон кард. Навори изҳороти миллиардерро хабарнигори Fox News Келли Фарес нашр кардааст.
«Ман Сукербергро дар ҳар ҷой, ҳар вақти барояш мусоид ва тибқи ҳама гуна қоида ба мубориза даъват мекунам.»,- гуфт Илон Маск.
Соли гузашта низ Маск Сукербергро ба муҳориба даъват карда буд, вале ин вохӯрӣ анҷом нашуд.
Зиддиятҳои ин ду миллиардер вақте шурӯъ гардид, ки Маск шабакаи иҷтимоии Twitter-ро харидорӣ кард ва Сукерберг ваъда дод, ки шабеҳи ин пойгоҳ платформаеро бо номи Threads месозад.
Дар бораи муҳориба, аз ҷумла эҳтимоли баргузории он дар Колизей тахминҳои зиёде ба вуҷуд омаданд. Илова бар ин, дар музокираҳо ҳатто промоутер Дана Уайт, президенти UFC ширкат дошт.
Марк Сукерберг ба ин бо як паём дар шабакаи иҷтимоии Threads вокуниш нишон дод: «Оё мо дар ҳақиқат ин корро аз нав анҷом медиҳем.»
