Ҳукумати Арабистони Саудӣ бекор кардани манъи машруботро тасдиқ накардааст.
Як мақом аз Арабистони Саудӣ ба хабаргузории Reuters гуфтааст, шоҳигарӣ бекор кардани манъи фурӯш ва истеъмоли машруботро тасдиқ накардааст. Фурӯш ва истеъмоли машрубот аз 1952 дар кишвар манъ гардида буд.
Нашрияи The Economic Times хабар дода буд, ки мақомот дар Арабистони Саудӣ ният доранд фурӯш ва истеъмоли машруботро дар соли 2026 иҷозат диҳанд. Нашрия тавзеҳ дода буд, ки ин навоварӣ як бахши омодагӣ ба чорабиниҳои байналмилалӣ, аз ҷумла, Чемпионати ҷаҳон оид ба футбол FIFA 2034 мебошад.
Январи 2024 дар ҳудуди дипломатии Ар-Риёз аввалин мағозаи машрубот дар Арабистони Саудӣ боз шуд. Он ҷо танҳо дипломатҳои хориҷӣ ва кормандони сафоратхонаҳои кишварҳои ғайримусулмонӣ метавонанд нӯшокиҳоро харидорӣ кунанд.
