“Алиҷони ду удара” 18 медал дорад, ки 17 адади онро барои соҳиб шудани мақоми аввал ба гарданаш овехтаанд ва як медали дигарро барои сазовор шудани ҷойи дуюм ба сазовор донистанд. Аммо инро ноадолатии доварон медонад:
“Ман рақибамро мағлуб кардам, аммо доварон ба рақибам мақоми аввалро доданд. Барои ҳамин ман як медали ҷойи дуюм дорам. Ҳамон вақт интервю дода будам, ки калон шавам машқ мекунам ва “ду удараш” мезанам меғалта. Аз ҳамон вақт маро “Алиҷони ду удара” мегӯянд.”,- бо ханда гуфт Алиҷон Нормуратов.
Алиҷон 8 сол дорад ва аз 3 — солагӣ тамрин мекунад. Падар боиси варзишгари ин наврас шуд, зеро ӯ мураббист. Алиҷон бо се бародараш тамрин мекунад.
Бародарон ба Алиҷон кӯмак мекунанд, чунки ӯ аз онҳо хурдтар аст. Муҳаммад бародари қаҳрамони мо мегӯяд, вақте Алиҷон хурд буд, ӯ кӯмак мекард. Барои муштзанияш панҷа (лапа) медошт. Бо ҳам кам- кам рақобат мекарданд.”
Алиҷон дар Ӯзбекистону Қирғизистон мақомҳои ифтихориро соҳиб шудааст. Ӯ тамоман ҳарос надорад, ҳатто бо рақибони аз худаш ҳам калон ҳам мехонад рақобат кунад.
“Ду рӯз пеш дар мусобиқа иштирок кардам. Якум ҳарифам ҳамсоли худам буд. Ҳарифи дуюмам аз ман калон буд, ӯро бо мушт задам ва ба замин афтонда, дар ҳолати дардовар нигоҳ доштам. Ҳамин хел ҷойи аввалро соҳиб шудам.”,- нақл мекунад қаҳрамони мо.
Ҳоло Алиҷон барои иштирок дар мусобиқаи ҷумҳуриявӣ байни наврасон омодагӣ мебинад.
Аминҷон Раҳматзода
