Мусобиқаи Суперлигаи Тоҷикистон (футзал) оғоз шуд, ки дар он ҳашт даста ширкат мекунанд.
Ба иттилои Кумитаи олимпӣ, дар бозии марказии даври аввал дастаҳои «Сипар»-и Хуҷанд ва «Соро компания»-и Душанбе мусовӣ бозӣ карданд – 1:1. Ба голи задаи Парвиз Раҳматов душанбегиҳо бо зарбаи дақиқи легионери эронӣ Муҳсин Муҳаммадзода посух доданд.
Дар вохӯрии дигар голи бозигари тими миллии футзали Қирғизистон Айдар Абдуҷалил уулу ғалабаи «Истиқлол»-ро бар «Истаравшан» таъмин сохт – 1:0.
Бошгоҳи «Равшан»-и Кӯлоб дар майдони худ бар барандаи медали биринҷии мавсими гузашта — тими «Пойтахт» бо ҳисоби 8:5 ғалаба кард. Дастаи нави Суперлига КМВА-и пойтахт бошад, дар меҳмонӣ бар «Самандар»-и Турсунзода бо ҳисоби 6:3 пирӯз шуд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
