МУВАФФАҚИЯТЭркин Қосимов: бо гулҳоям арзи дил мекунам

Эркин Қосимов: бо гулҳоям арзи дил мекунам

-

Эркин Қосимови 38-сола ягона гулпарвар дар маҳаллаи Ғайрати шаҳри Бохтар буда, ҳудуди 20 сол аст, ки ба ин кор машғул аст. Ҳар сол бо фаро расидани фасли баҳор кори ӯ зиёд шуда,  ҳамчунин манбаи даромадаш низ беш мегардад. Қосимов анвои зиёди гулро парвариш мекунад.

Ҳунари гулпарвариро аз касе наомӯхтааст, танҳо завқ ӯро муштоқи ин ҳунар кард. Имрӯз дар саросари вилояти Хатлон ҳамчун як гулпарвари машҳур муарифӣ шудааст ва даҳҳо намояндаи корхонаву ташкилот ва гулфурӯшони мағозаву бозори шаҳри Бохтар гулҳояшро харидорӣ мекунанд.

Хонаи Эркин Қосимов дар маҳалаи Ғайрати шаҳри Бохтар бо доштани гулҳои рангоранги зиёд фарқ мекунад. Бо ворид шудан ба ҳавлии ӯ,  худро дар олами дигар эҳсос мекунӣ. “Гулҳои лола, наргис, сунбулро парвариш мекунам. Вақте ба ин кор ҷиддӣ машғул шудам, бо чанде аз гулпарварони шаҳри Душанбе ва вилояти Суғд ҳамкориро оғоз кардам. Гулҳои парваридаи маро мақомоти шаҳри Бохтар харидорӣ ва канори роҳҳои шаҳр мешинонанд.”,-мегӯяд А. Қосимов.

Ин гулпарвар мегӯяд, нигоҳубини 10 ҳазор гул дар муҳити хона осон нест, гоҳо барои эмин нигоҳ доштани онҳо дар фасли сармо ҷой маҳдуд аст, вале ӯ тавонист ҳама аҳли оиларо ба гулпарварӣ моил кунад то дар нигоҳубини гулҳо саҳм гузоранд.

“Гулҳо хеле нозуканд, заҳмати зиёдро талаб мекунад. Бо онҳо бояд зуд-зуд ошноӣ кард. Аз хурдӣ ба гулпарварӣ шавқ доштам, ҳар куҷое, ки гуле медидам, шохаи онро оварда дар хона мешинондам. Орзу доштам, ки гулпарвари муваффақ шавам. Ниҳоят ба орзуям расидам. Шукр мекунам, ки даромади хуб дорам.”

Эркин Қосимов аз ин шуғлаш фоидаи хуб мебинад. Баъзан дӯстдорони гул фармоиш медиҳанд ва ӯ ҳар қутии гулро вобаста ба намудаш нархгузорӣ намуда, дастраси муштариён мекунад. Арзиши гул вобаста ба намуди гул аст, як гулро то дусад доллар фурӯхтам.”

Қосимов мегӯяд, тухми гули лоларо аввалин бор аз шаҳри Маскав оварда, дар хонааш шумори онҳоро зиёд кард. Ҳар сол дар фасли баҳор танҳо аз як навъи гули лола чаҳор ҳазор сомонӣ даромад ба даст меорад.

Эркин аз гулпарварӣ лаззат мебарад. Вақте нороҳат ё асабонӣ аст, бо гулҳояш арзи дил мекунад, хастагиашро рафъ месозад.

Эрикин Қосимов дар баробари гулпарварӣ, дар мактаби №14-и маҳаллаи Ғайрати шаҳри Бохтар муаллим аст.

Рӯзғори худу хонаводаашро бо маоши омӯзгорӣ ва гулпарварӣ пеш мебарад. Онҳое ки бо баҳонаи набуди ҷойи кор ба ҳеҷ шуғле андармон намешаванд, чашми дидан надорад.

Дар 08 га замини наздиҳавлигӣ гулҳои гуногун шинонидааст. Мақсад дорад, ки шумораи гулҳояшро ба 20 ҳазор расонад.

                                                       Муалиф: Амонҷон Муҳиддинов

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Роҳҳои дусатҳа дар Душанбе

Ба наздикӣ 5 роҳи дусатҳа сохта мешавад, ки дар онҳо роҳи махсус барои ҳаракати нақлиёти ҷамъиятӣ, дучарха ва пиёдагард...

Се таҳдиди буҳронҳои марбути об ба ҳаёти 190 миллион кӯдак

Се таҳдиди буҳронҳои марбут ба об ҳаёти 190 миллион кӯдакро зери хатар мегузорад.  ЮНИСЕФ даъват намудааст, ки ба иншооти...

BI.ZONE: ransomware ба ширкатҳои хусусӣ ҳамла мекунад

Ширкати идоракунии хатарҳои рақамии BI.ZONE гуфтааст, ҳакерҳо эҳтимоли бештари ҳамлаҳоро бо истифода аз барномаҳои рамзгузорӣ барои ғайрифаъол кардани системаҳои...

Евгений Баклушин: телефонҳо ба ширкатҳои истеҳсолкунанда тобеъ ҳастанд!

Телефонҳои ҳушманд бо ин ё он роҳ баъзе маълумоти корбарро, аз ҷумла ҷойгиршавӣ, паёмҳо ва рӯйхати тамосҳоро ҷамъоварӣ ва...
spot_imgspot_img

Патриот чаро гарон шуд?

  "Патриот"-и автомат идорашаванда дар фурӯш пайдо шуд. Аммо нарх метавонад шуморо ба ҳайрат орад. УАЗ ваъда медиҳад, ки истеҳсоли мошинҳои...

Яндекс барои интиқоли мусофир нақлиёти бесарнишин истифода мекунад

Такси "Яндекс" барои интиқоли мусофирон бесарнишин истифода хоҳад кард. То ҳол дар таҷрибаҳо чанд ҳавопаймои бесарнишин ширкат хоҳанд кард: ҳашт...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад