Омӯзишҳои тиҷорати электронӣ бо ҳадафи боз кардани роҳи соҳаи нассоҷиву дӯзандагии тоҷик ба бозорҳои интернетии ҷаҳонӣ ва минтақавӣ ва мусоидат ба таҳавуллоти рақамии истеҳсолкунандагони маҳаллӣ гузаронида шуд.
Дар ду вебинар иштирокчиён бо шаклҳо, сохтор, тамоюлҳои соли 2023 дар бозори онлайни мӯд ва роҳҳои тарғиби бренди худӣ дар интернет шинос гардиданд.
Тренер Тамари Миминошвилӣ тағйироти навтарин дар сохтори дӯконҳои интернетии либосфурӯширо шарҳ дод, фаъолияти дӯконҳои машҳури сатҳи ҷаҳонии мӯдро таҳлил кард, тамоюлҳои нав дар соли 2023-ро пешгӯӣ намуд, дар таҳияи асоси стратегияи тиҷорати электронӣ кӯмак расонид, ва бунёди дӯкони интернетӣ бо бурдарасонии байнулмилалиро қадам ба қадам нишон дод.
“Ҳадафи ниҳоии мо кумак ба соҳибкорон барои оғозу беҳтар кардани тиҷорат дар интернет мебошад. Мо дар ин вебинарҳо ҳамаи марҳилаҳои бунёди дӯкони интернетиро, аз ҷумла, дарёфти муштарӣ дар саросари ҷаҳон ва бурдарасонии маҳсулот ба кишварҳои дигарро омӯзонидем. Мо роҳу василаҳои тақвияти ҳузур дар ҷаҳони виртуалӣ ва имконияти сареътар ва осонтари пешниҳоди молу маҳсулот ва хидматрасониҳо дар интернетро баррасӣ кардем”.,-мегӯяд Тамари Миминошвилӣ аз натиҷаи вебинарҳо.
Омӯзишҳо аз ҷониби Барномаи ҷаҳонии нассоҷӣ ва дӯзандагии (GTEX) Маркази тиҷорати байналмилалӣ, ки аз ҷониби Ҳукумати Швейтсария маблағгузорӣ мегардад, ташкил шуданд.
Акс аз сомонаи smallbiztrends.com
