Ширкати xAI, ки аз ҷониби миллиардери амрикоӣ Илон Маск таъсис ёфтааст, таҳияи нусхаи алтернативии энсиклопедияи онлайн «Википедия»-ро эълон кард. Манбаъи нав, ки номи «Грокипедия» (Grokipedia) гирифтааст, мундариҷаро бо дарназардошти манобеъе эҷод мекунад, ки айни замон барои иқтибос дар «Википедия»-и аслӣ манъ шудаанд, ва барои истифодаи умум дастрас хоҳад буд. Дар бораи ин Маск дар шабакаи иҷтимоии X хабар дод.
Ин иқдом пас аз интиқоди модели мавҷуда ба миён омад, ки истифодаи баъзе воситаҳои ахбори оммаро ҳамчун пояи воқеӣ барои мақолаҳо маҳдуд мекунад. Сармоягузори собиқ, Ҷон Лефевр, таъкид намуд, ки дар рӯйхати манобеи манъшуда дар Wikipedia чунин нашрияҳо, мисли Fox News, Breitbart, Daily Caller, Epoch Times, New York Post ва Federalist шомиланд.
Маск тавзеҳ додааст, ки масъулияти таҳияи «Грокипедия» бар дӯши ширкати зеҳни сунъии ӯ xAI аст, ки ба рушди Grok AI машғул мебошад. Ба андешаи ӯ, ин лоиҳа нисбат ба «Википедия» хеле беҳтар хоҳад шуд ва онро «қадами зарурӣ бо ҳадафи шинохти донишҳои инсон» номид.
