Дар як суханронии ғайриоддӣ ва шадид Урсула фон дер Ляйен «гурусна сохтани башар» дар Ғазза ва «кушиши ошкоро»-и Исроил барои «зери хатар гузоштани роҳи ҳал бо ду давлат»-ро маҳкум кард. Euronews менависад, ки Роҳбари Комиссияи Аврупо ҳамчунин нотавонии Аврупоро барои дарёфти посух ба амалҳои Исроил «дардовар» номидааст.
Барои хотима бахшидан ба фалаҷ шудани мавқеи Аврупо дар масъалаи Ғазза, Урсула фон дер Ляйен пешниҳод намудааст, ки «ҳамаи пардохтҳо» ба Исроил қатъ шаванд, ба истиснои лоиҳаҳои ҷомеаи шаҳрвандӣ. Вай ҳамчунин хостори қатъи қисман амалисозии Созишномаи ассотсиатсия дар бахши тиҷорат шудааст.
Фон дер Ляйен ба вакилон гуфтааст, Иттиҳоди Аврупо пардохтҳо ба Исроилро бозмедорад. «Он чӣ дар Ғазза рӯй медиҳад, қобили қабул нест.»,-нигаронӣ кардааст ӯ.
Роҳбари Комиссияи Аврупо ваъда додааст, ки таҳримҳо алайҳи «вазирони ифротгаро» ва «мустамликадорони ҳамлагар»-и Исроил ҷорӣ карда мешаванд.
Чанд кишвари аврупоӣ, аз ҷумла Шветсия ва Нидерланд, зидди Итамар Бен-Гвир ва Бесалел Смотрич, ду вазири исроилӣ, ки борҳо ба хушунат алайҳи фаластиниҳо даъват кардаанд, таҳримҳо ҷорӣ намудаанд.
Акс аз Euronews
