Ба шаҳрвандони хориҷие, ки дар феҳрасти назоратии мақомоти муҳоҷират қарор доранд, дигар иҷозаи супоридани имтиҳон дар Бозрасии давлатии автомобилӣ дода намешавад.
8 июл фармони нави Вазорати корҳои дохилии Русия ба иҷро даромад, ки тибқи он шахсони хориҷие, ки «дар реҷаи ихроҷ» қарор доранд, дигар ҳаққи супоридани имтиҳон барои гирифтани шаҳодатномаи ронандагӣ надоранд.
Ин тағйирот ба регламенти дохилии имтиҳонсупории Инспексияи давлатии бехатарии ҳаракат дар роҳ ворид карда шуда буд.
Феҳрасти шахсони назоратшаванда аз 5 феврали соли 2025 ба фаъолият оғоз кард. Ба он маълумоти шаҳрвандони хориҷӣ ворид карда мешавад, ки ғайриқонунӣ дар қаламрави Русия қарор доранд — яъне
- муҳлати будубоши муваққатӣ,
-
иҷозати зисти муваққатӣ,
-
иҷозаи иқомати доимӣ,
-
патент,
-
ё иҷозати кор ба охир расидааст.
Онҳое, ки ба ин рӯйхат дохил мешаванд, аз як қатор ҳуқуқҳо маҳрум мешаванд, аз ҷумла, ҳаққи гирифтани шаҳодатномаи ронандагӣ.
