Муборизаҳои ҳалкунандаи мусобиқоти муҳорибаҳои омехта (UFC) соли оянда дар Кохи Сафед баргузор мешавад. Ин чорабинӣ дар доираи таҷлили 250-солагии истиқлоли Амрико сурат мегирад, изҳор дошт президенти ИМА Доналд Трамп.
Ин «муборизаи қаҳрамонҳо» хоҳад буд, ки онро тақрибан 20–25 ҳазор тамошо мекунанд», — гуфтааст Трамп рӯзи панҷшанбе дар як гирдиҳамоӣ дар Айова.
Роҳбари UFC Дана Уайт, ки бо Трамп дӯст аст, ваъда дод: «Мо чорабиниҳои зиёд баргузор мекунем — баъзеи онҳо касбӣ хоҳанд буд, баъзеи дигар дӯстона»
Аз аввали сол Трамп ба чандин муборизаҳои UFC рафтааст, аз ҷумла ба UFC 316, ки моҳи гузашта дар иёлати Ню Ҷерсӣ баргузор шуда буд ва дар он ҷо ӯ ва Уайтро ҳангоми тамошои муҳориба аксбардорӣ карданд.
Трамп дар Айова ваъда дод, ки мехоҳад муҳорибаи UFC-ро дар дохили Кохи Сафед баргузор намояд.
