Олмон як духтури суриягиро барои азияти куштор дар беморхонаи ҳарбии Сурия ба ҳукми абад маҳкум кард. Ин табиб ҷарроҳ-ортопед буд.
Додгоҳи олӣ дар Франкфурт-на-Майне як духтури 40-сола аз Сурия бо ном Алаа М.-ро барои ҷиноятҳои зидди башарият, аз ҷумла қатл ва шиканҷа ба ҳабси абад маҳкум кард.
Аз моҳи апрели 2011 то охири соли 2012 ин духтур дар беморхонаҳои ҳарбӣ ва паноҳгоҳҳои истихборотии Хомс ва Димишқ буд ва нӯҳ нафарро шадидан латукӯб карда, ду касро куштааст.
Зиёда аз 50 шоҳид таҷрибаҳои даҳшатбор, ба монанди латтукӯби шадид, сӯзонидани қисматҳои бадан ва дигар навъи азиятдиҳии ин духтурро нақл кардаанд.
Алаа М. соли 2015 ба Олмон омад ва дар беморхонаҳои Хессиш-Лихтенау ва Бад-Вилдунген ҳамчун духтури ортопед кор кардааст. Ӯро дар соли 2020 шоҳидон шиносоӣ мекунанд ва ҳамин тавр боздошт шуд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
