Илон Маск хабар дод, ки алоқаи моҳвораии Starlink дар Қатар ба кор даромад. Ин соҳибкори амрикоӣ оғози фаъолияти интернети ширкати худ дар ин кишвари навро тавассути шабакаи иҷтимоиаш — X эълон намуд.
Қаблан фиристодаи Доналд Трамп, Ричард Гренелл, аз Маск хоҳиш карда буд, ки ба мардуми Эрон Starlink-ро ройгон пешниҳод намояд. Ӯ таъкид кард, ки дӯстонаш дар Ҷумҳурии Исломии Эрон ба иттилоъ пайваста дастрасӣ надоранд, вале омода аст, мисли бисёри дигарон, ба ширкати Маск хайрия кунад, то чунин имкон муҳайё гардад.
Пас аз ин, шаҳрвандони Эронро барои истифодаи Starlink ба ҷазои шадид — қамчинзанӣ ва маҳрумият аз озодӣ — таҳдид карданд.
Ба иттилои рӯзноманигорон, парлумони Эрон ба ҷонибдории манъи истифода, хариду фурӯш, воридот, истеҳсол ва паҳн кардани ҳама гуна васоити интернетӣ ва таҷҳизоти иртиботие, ки аз сертификати дохилӣ нагузаштаанд, раъй додааст. Ба ин гурӯҳ, таҷҳизоти Starlink низ шомил аст.
