Хуршед бо 6 брейк-дансери дигар ахиран дар озмуни “Asia’s got talent” иштирок ва ба даври баъдӣ роҳхат гирифт. Ин гурӯҳ барои иштирок дар даври ниҳоии озмун, ки ҳамин моҳ дар Қазоқистон доир мегардад, сафар хоҳанд кард.
Брейк-данс солҳои 60-уми асри ХХ дар Амрико пайдо гардида, ҷавонони тоҷик баъди солҳои 2000-ум тамрини худро дар ин риштаи варзиш оғоз кардаанд.
Хуршеди Сайфиддин яке аз аввалин ҷавонони тоҷик буд, ки ҳанӯз солҳои 2005 ба варзиши брейк-данс дилбастагӣ пайдо кард.
— Ҳар гуна ҳаракатҳои аҷибро аз телевизион дида, онро такрор мекардем. Бо иҷрои ҳаракатҳои оддитарин хушҳол мегаштем ва дилбастагиамон ба ин намуди варзиш дучанд мегашт.”,- ба хотир меорад Хуршеди Сайфиддин.
Давоми 7 сол мешавад, ки ба наврасону ҷавонон брейк-дансро меомӯзонад.
Назар Абдуллаеви 8-сола яке аз шогирдони бомаҳорати Хуршеди Сайфиддин мебошад. Вай буда, аз 4-солагиаш варзиши брейк-данс машқ мекунад. Ҳамроҳи ӯ 40 нафар наврасону ҷавонони аз 5 то 22-сола ҳастанд, ки аз Хуршеди Сайфиддин варзиши брейк-данс меомӯзанд.
Хуршед бештар дар иҷрои усулҳои Power move (ҳаракатҳои қувватии давргард), Footwork (ҳаракати пой), Toprock (брейкинги болоӣ) маҳорати баланд дорад. Агарчи Назар борҳо осеб дидааст, вале қалбаш аз брейк-данс сард нагарида, тамринро идома додааст.
Кумитаи байналмилалии олимпӣ соли 2020 пешниҳодро дар бораи ба барномаи Бозиҳои олимпии Париж-2024 ворид кардани брейк-данс пазируфт.
Назар Абдуллаев мехоҳад Тоҷикистонро аз рӯйи ин риштаи варзиш дар бозиҳои олимпии 2024-и Фаронса намояндагӣ кунад.
Маҳкам Маҳкамзода
