Ҳукумати Русия мехоҳад муассисаҳои таълимӣ маълумотро дар бораи фарзандони муҳоҷир ба Вазорати корҳои дохилӣ супоранд.
Ҳукумати ин кишвар ба Думаи давлатӣ лоиҳаи қонунро пешниҳод кард, ки мувофиқи он Вазорати корҳои дохилӣ ва муассисаҳои таълимӣ метавонанд дар бораи фарзандони муҳоҷирон маълумот мубодила кунанд. Мувофиқи ҳуҷҷат, вазорат ба мактабҳо ва коллеҷҳо рӯйхати кӯдакони хориҷиро месупорад ва онҳо ба Вазорати корҳои дохилӣ дар бораи қабул ё хориҷ шудани онҳо хабар медиҳанд.
Ба моддаи 30-и қонун «Дар бораи вазъи ҳуқуқии шаҳрвандони хориҷӣ дар Федератсияи Русия», моддаи 12-и қонуни «Дар бораи ба қайди муҳоҷират гузоштани шаҳрвандони хориҷӣ ва шахсони бе шаҳрванд дар Федератсияи Русия» ва моддаи 98-и қонун «Дар бораи маориф» тағйирот ворид мегардад. Интиқоли маълумот тавассути низоми ягонаи иттилоотии байниидоравӣ анҷом дода мешавад.
Дар тавзеҳи ин тағйирот гуфта мешавад, ки лоиҳаи қонун тибқи супоришҳои президенти Русия Владимир Путин оид ба масъалаҳои такмили сиёсати муҳоҷират таҳия шудааст. Ҳадафи ташаббус «ошкор намудани ин категорияи кӯдакони муҳоҷирон барои мутобиқшавӣ ва ҳамгироии минбаъдаи онҳо ба ҷомеаи Русия мебошад.»,- омадааст дар тавзеҳи тағйирот.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
