Муассиси Telegram Павел Дуров, ки аз соли 2017 дар Дубай ба сар мебарад, шаҳрвандии Имороти Муттаҳидаи Арабро соҳиб шудааст. Дар ин бораи Forbes хабар медиҳад. Акнун ӯ шаҳрвандии 4 кишварро дорад— Русия, иёлати Сент-Китс ва Невис дар ҷазираи Кариб, Фаронса ва Аморати Муттаҳидаи Араб.
Дуров зимни сафарҳои хеш аз шиносномаҳои Амороти Муттаҳидаи Араб ва Фаронса истифода мекунад ва «санадҳои Сент-Китс ва Невис танҳо дар солҳои аввали муҳоҷирати Дуров аз Русия барояш мувофиқ буд. «Павел ба Русия сафар намекунад ва аллакай 8 сол аст, ки дар ин кишвар ягон дороие надорад. Telegram дар Русия дафтар ё корманд надошта, шумораи корбарон аз Русия аз 8% зиёд нест.”, — гуфтааст як манбаи наздик ба Дуров ва афзудааст, ки муҳлати шиносномаи русии Дуров «аллакай ба охир расидааст.»
Моҳи феврали соли 2021 Дуров бо валиаҳди Дубай Шайх Ҳамдон бин Муҳаммад бин Рашид ал-Мақтум мулоқот кард. Шайх писари сарвазири АМА мебошад. Ин нишаст дар Дубай баргузор шуда, дар бораи ҳадафҳо ва натоиҷи он хабар дода нашудааст. Гуфта мешавад, ки он замон Дуров шаҳрвандии Аморати Муттаҳидаи Арабро ба даст овардааст.
Акс аз сомонаи www.wmj.ru
