Варзишгарони навраси кишвар дар Чемпионати Осиё/Уқёнус, ки 2-3 декабр дар шаҳри Бейрути Лубнон доир шуд, 3 медал – 1 нуқра, 2 биринҷӣ – шуданд.
Медали нуқраро Парвиз Абдураҳмонов соҳиб шуд. Суруш Эркаев ва Муҳамад Юсуфзода сазовори медалҳои биринҷӣ шуданд.
Дар ин бора Кумитаи миллии олимпии Тоҷикистон иттилоъ додааст.
Дар чемпионат 133 варзишгар (81 мард, 52 зан) аз 15 давлати қора ширкат карданд.
Қаблан иттилоъ дода будем, ки дар ин мусобиқа 7 варзишгар (6 писар, 1 духтар) намояндагӣ карданд: Ҷасур Лутфушоев (50кг), Суруш Эркаев (-60кг), Муҳаммад Юсуфзода (-66кг), Суннатулло Мирзоев (-73кг), Сомонӣ Кишваров (-81кг), Парвиз Абдураҳмонов (+90кг).
Медали нуқраро Парвиз Абдураҳмонов сазовор шуд. Суруш Эркаев ва Муҳамад Юсуфзода сазовори медалҳои биринҷӣ шуданд.
Рӯзҳои 4-5 декабр қувваозмоиҳо миёни ҷавонон сурат мегирад. Дар ин синну сол 127 варзишгар (82 мард, 45 зан) аз 17 давлат иштирок менамоянд.
Тоҷикистонро 9 варзишгар миёни писарон намояндагӣ мекунанд: Хурсандқул Куганов (-66кг), Абубакр Шеров (-66кг), Муҳаммадиқбол Тошов (-73кг), Масъуд Аҳмадзод (-73кг), Муҳаммадҷон Абдуҷалилов (-81кг), Шодмон Ризоев (-81кг), Раҳматулло Мирзоев (-90кг), Мансур Раҳмон (-100кг), Давлатҷон Назриев (+100кг).
