Азим Иброҳим, вазири нақлиёти Тоҷикистон зимни мулоқот бо Канг Синг Хон, директори нави Дафтари Korea International Cooperation Agency ба хулосае омадаанд, ки дар Душанбе барои мутахассисони роҳи оҳан ва метро Маркази омӯзишӣ ва такмили ихтисос таъсис дода шавад.
«Канг Синг Хон пешниҳод намуд, ки бо мақсади баланд бардоштани малакаи касбии мутахассисони соҳа, алалхусус машинистони локомотив, муҳандисон, устоҳо ва танзимгарони ҳаракати вагонҳои роҳи оҳан ва метро, дар шаҳри Душанбе маркази омӯзишӣ ва такмили ихтисос таъсис додан ба максад мувофиқ хоҳад буд. Ин пешниҳод аз ҷониби Вазири нақлиёти Тоҷикистон маъқул дониста шуд.»,-менависад сомонаи Вазорати нақлиёт аз ҷараёни ин вохӯрӣ.
Тоҷикистону Корея айни ҳол 4 лоиҳаи хурду бузургро дар самти роҳу нақлиёт амалӣ мекунанд, ки яке аз онҳо ба асосноккунии техникию иқтисодии лоиҳаи сохтмони роҳи оҳани «Ҷалолиддини Балхӣ – Панҷи Поён» рабт дорад ва бо дастгирии КОICА 14 январи соли 202 оғоз гардидааст.
