Розиямо Ҳакимова мудири боғчаи №3-и ноҳияиТемурмалик аст. Аз партов ва ашёҳои ғайри қобили истифода армуғон меофарад. Аз посбон то мураббию тарбиягирандагони кӯдакистон низ ҳунари Розияморо аз худ мекунанд ва дар таҳияи армуғон ба ӯ кумак менамоянд.
Розиямо Ҳакимова мегӯяд, барои гузаронидани машғулиятҳо дар боғча аёниятҳо набуд. Бинобар ин, тасмим гирифт маҳсули дастиро зиёд намояд.
«Маҳсулоти хом аз партов аст. Бештари он қобили истифода нестанд. Дар таҳияи маҳсулоти миллӣ бо тахайёл хеш ва дар сохтани дигар ашёи ҷлоиб аз шабакаҳои иҷтимоӣ истифода мекунам. Шабакаҳои иҷтимоӣ барои тамошо нест. Бояд чизе аз ин пойгоҳҳо бимомӯзӣ! Ман аз он самаранок истифода мекунам.»,-таъкид мекунад Розиямо.
Розиямо Ҳакимова соли 10-ум аст, ки мудири боғчаи №3-и ноҳияи Темурмалик мебошад. Ин муассиса 60 тарбиятгиранда дорад. Розиямо бо ҷамъи ҳамкорон боғчаро шабеҳи як осорхона кардаанд.
Бархе аз меҳмонон зимни боздид аз кӯдакистон дархост мекунанд, ки ин ё он армуғонро барояш ҳадя намоянд.
«Вақте ин ё он санҷишгар ба боғча меояд, ин корҳо айбҳои моро мепӯшонад.»,-мегӯяд бо табассум Розиямо Ҳакимова.
