Роскомнадзор дар бораи бастани 9,5 миллион SIM-кортҳое, ки ба шаҳрвандони хориҷӣ тааллуқ доранд, хабар дод. Ин кор аз моҳи май то охири декабри соли 2024 амалӣ гардидааст.
Беш аз 22 миллион SIM-корт ба номи хориҷиён сабт шуда будааст. Дар моҳи январи соли 2025 тамоюли бастан идома ёфта операторони алоқа боз 989,2 ҳазор SIM-кортҳоро бинобар маълумоти носаҳеҳ хомӯш карданд. Ин аз нишондиҳандаҳои ҳамин давраи соли гузашта 217,1 ҳазор зиёд аст.
Ба иттилои нашрияи газета.ру, Роскомнадзор ба рақамҳое, ки хориҷиён истифода мебаранд, таваҷҷӯҳи махсус медиҳад. Дар доираи мониторинг бо истифода аз Системаи назорати ҳолати модулҳои идентификатсионӣ операторон маълумоти 22,4 миллион рақамро, ки ба 11,2 миллион шаҳрвандони хориҷӣ тааллуқ доранд, санҷиданд.
Дар робита ба қонунҳои нав, ки аввали соли 2025 эътибор пайдо карданд, ҳамаи ин рақамҳо бояд дубора шиносоӣ мегарданд ва шумораи SIM-кортҳо барои як шаҳрванди хориҷӣ набояд аз даҳ адад зиёд бошад.
