Ширкати Opera браузери нави Opera Air-ро муаррифӣ кард, ки барои беҳтар кардани вазъи равонӣ ва сиҳатии истифодабаранда нигаронида шудааст. Навигариҳо ёдраскуниҳо дар бораи танаффусҳо, машқҳо барои коҳиш додани стресс ва баланд бардоштани тамаркузро дар бар мегиранд.
Дар Opera бар ин назаранд, ки браузер набояд танҳо як абзор бошад, балки системаи идоракунии стресс низ бошад. Дар панели паҳлӯ ёдраскуниҳо дар бораи танаффусҳо, функсияи Boosts (мусиқӣ, садоҳо, ритмҳои бинауралӣ) ва дастрасии зуд ба ёвари AI Aria, Messenger ва WhatsApp ҷойгир шудаанд.
Вазифаи «Танаффус гиред» сатҳи истифодаи браузерро ба таври визуалӣ нишон дода, зарурати истироҳатро ёдовар мешавад. Истифодабаранда метавонад вақти корро танзим кунад, ки пас аз он огоҳинома пайдо мешавад. Барои танаффусҳо Opera Air машқҳои нафаскашӣ, ҳаракати гардан ва дигар машқҳоро пешниҳод мекунад. Дар вақти машқ шумо метавонед камераро фаъол созед, то браузер ҳолати нишастани шуморо назорат кунад.
