Видеоҳои кутоҳи амудии (вертикальный) шабакаҳои иҷтимоӣ имкон медиҳад, ки дар ҳама шароит онҳоро тамошо намоӣ. Аммо на бо садои баланд ва дар дохили нақлиёти ҷамъиятӣ, ки барои дигарон нофораму дилхарош бошад. Аммо аксарият бо ворид шудан ба нақлиёти ҷамъиятӣ телефони худро рӯйи даст гирифта то берун шудан аз нақлиёт видео тамошо мекунанд ё бо дӯстону ҳамсолонашон гуфтугӯ мекунанд. Агарчи истифодаи телефони мобилӣ дар нақлиёти ҷамъиятӣ барои ҳама қобили қабул нест.
Истифодаи телефон метавонад атрофиёнро парешону мушавваш созад. Гуфтугӯҳои телефонӣ, гузоштани мусиқӣ оромии мусофирони дигарро халалдор месозад. Аммо баъзеҳо аз қоидаҳои истифодаи телефон дар ҷойҳои ҷамъиятӣ пурра огоҳ нестанд. Шояд дарк намекунанд, ки рафтори онҳо метавонад барои дигарон нофорам бошад.
Истифодаи аз ҳад зиёди телефон ва вобастагӣ ба шабакаҳои иҷтимоӣ метавонад боиси нодида гирифтани қоидаҳои истифодаи дурусти телефон дар нақлиёти ҷамъиятӣ гардад. Ҷавонон шояд то ҳадде ба олами маҷозӣ ғарқ мешаванд, ки атрофиёи худро фаромӯш мекунанд.
Мо ба телефони мобилии худ одат кардаем. Аммо, мо набояд фаромӯш намуд, ки истифодаи бемавриду нодуруст боиси нороҳатии дигарон мегардад. Агар фикр мекунед, ки ҳатто дар нақлиёти ҷамъиятӣ низ бояд мусиқӣ гуш кунед ё видео бубинед, пас аз гушмонак (наушник) истифода намоед.
Дар ҳузури дигарон бобати мавзӯҳои хусусӣ суҳбат накунед. Дар нақлиёти ҷамъиятӣ хатари дастрасии ба маълумоти телефон, аз қабили мукотиба, акс ё маълумоти шахсӣ вуҷуд дорад. Зеро, шумо вақте саргарми истифодаи телефони худ ҳастед, намедонед, пушти сари шумо кӣ чашм ба телефони шумо андӯхтааст.
Истифодаи телефон дар нақлиёти ҷамъиятӣ метавонад талафи вақт бошад. Зеро, ин вақтро метавон самараноктар истифода кард. Ба ҷои ворид шудан ба шабакаҳои иҷтимоӣ ё бозӣ дар телефон, метавон китоб хонд, калимаҳои ягон забони хориҷиро ҳифз кар ё ҳади ақал аз манзараҳои атроф лаззат бурд.
Маълумоти бештар дар эксплейнер:
