Оҷонсии рейтингии ESRB, ки маҳдудияти синну соли бозиҳои видеоиро дар ИМА ва Канада муайян мекунад, истифодаи шинохти чеҳраро барои ҳифзи кӯдакон аз мундариҷаи номуносиб ва баъзе хусусиятҳои онлайн пешниҳод кардааст. Дар ин бора нашрияи GamesIndustry.biz хабар медиҳад.
ESRB аллакай барои ин як низоми мувофиқро дар якҷоягӣ бо таҳиягарони Хадамоти ҳифзи кӯдакон дар Интернет-Yoti ва SuperAwesome сохтааст. Маҳсулот барои муайян кардани синну соли на танҳо кӯдакон, балки калонсолон пешбинӣ шудааст. Бо кумаки он кӯдакон танҳо бо огоҳии волидайн ё парасторонашон ба баъзе бозиҳо дастрасӣ пайдо мекунанд. Акси шахс пас аз тасдиқ ба таври худкор пок карда мешавад.
Аз ҷумла, ба гуфтаи ESRB, система ба калонсолон имкон медиҳад, ки амалиёти дохилии бозиро, ки кӯдакон баъзан бидуни огоҳӣ анҷом медиҳанд, беҳтар назорат кунанд.
Акс аз Шабакаи интернет
