Дастаи олимпии пойтахт дар даври ниҳоии 3-юмин Олимпиадаи байналмилалии STEM, ки дар шаҳри Парижи Фаронса доир гардид, 18 медал ба даст оварданд.
«Аз 18 то 23-юми июли соли 2023 дар шаҳри Парижи Ҷумҳурии Фаронса, даври ниҳоии 3-юмин Олимпиадаи байналмилалии STEM, бо ташаббуси Ҷумҳурии Федеролии Олмон баргузор гардид.»,-дар ин бора Асомиддин Бобозода, сардори Раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе тариқи саҳифаи фейсбукии хеш хабар додааст.
Олимпиадаи мазкур аз фанҳои табиатшиносӣ, математика ва технологияи иттилоотӣ байни хонандагони синфҳои 5-11 гузаронида шуда, дар даврҳои олимпиада зиёда аз 11 ҳазор хонанда аз 114 давлат, 1200 муассиса ва 900 нафар иштирок намудаанд.
Даври ҳузурии Олимпиада бошад, дар Донишгоҳи давлатии Сорбони шаҳри Парижи Ҷумҳурии Фаронса баргузор гардида, дар он, 22 давлат, 96 муассиса, 64 роҳбалад ва 440 нафар иштирокчиён бо ҳам қувваозмоӣ намуданд. Дастаи олимпии Ҷумҳурии Тоҷикистон, иборат аз 36 нафар иштирокчиён, аз 7 муассисаҳои гуногуни ҷумҳурӣ; 29 нафар аз шаҳри Душанбе 7 нафар аз вилояти Суғд, дар озмуни мазкур иштирок кардаанд.
Дар олимпиадаи мазкур дастаи олимпии пойтахт фаъолона иштирок намуда соҳиби 18 медал гардиданд, ки аз ин шумора 5 медали тилло, 5 медали нуқра ва 8 медали биринҷӣ мебошад.
Як нафар хонандаи синфи 6-уми Муассисаи таълимии гимназияи хусусии «Кафолат»-и шаҳри Душанбе Шоҳхоҷаев Абубакр дар сегонаи ғолибони мутлақ байни синфҳои 6 аз фанни математика, мақоми сеюмро ишғол кард.
Маросими қадрдонӣ ва ҷоизасупории ғолибони даври ниҳоии озмун, дар маркази музейи «Илм ва саноат» и шаҳри Париж, ки калонтарин музей дар минтақаи Аврупо ба ҳисоб меравад, баргузор шудааст.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
3
+1
1
+1
+1
+1
+1
+1
