Halyk Bank-и Қазоқистон эълон кардааст, ки саҳмияҳои бахши тоҷикистонии худро пурра мефурӯшад.
Ҷамъияти саҳомии «Бонки амонатгузории Халык Қазоқистон» аз бастани шартнома бо ҶСП «Бонки Байналмилалии Тоҷикистон» дар бораи фурӯши 100% саҳмияҳо хабар медиҳад.
«ҶСП «Бонки Байналмилалии Тоҷикистон» ҳама санадҳои заруриро дар даст дошта, интизор меравад, ки муомилот дар моҳи декабри соли 2022 анҷом шавад.
Бонк ҳангоми анҷоми муомилот ва пас аз анҷоми тамоми расмиёти зарурӣ кор ва хизматрасониро ба муштариён идома дода, тибқи шартҳои шартномаҳои қаблан басташуда ҳама намуди хизматрасониҳои бонкиро пешниҳод менамояд.»,-омадааст дар сомонаи Halyk Bank.
Намояндагии «Halyk Bank» дар Тоҷикистон яке аз 15 бонк дар кишвар аст, ки тибқи маълумоти расмӣ 34 миллион сомонӣ сармояи оинномавӣ дорад. Ин бонк аз соли 2008 корашро дар Тоҷикистон оғоз кардааст ва 2 шӯъбаву шаш маркази хидматрасониаш дар Тоҷикистон фаъол буд ва се дарсади амонатҳои кулли бозори бонкии Тоҷикистон дар ин бонк гузошта шудааст.
