«Дарвоқеъ, ояндаи ҳар миллат аз он вобаста аст, ки кӯдакон ва наврасон чӣ гуна ба воя мерасанд ва чӣ бартарӣ доранд.» (Изҳороти Идораи миллии Конвенсияи ҳуқуқи кӯдак дар соли 1999).
Дар изҳорот таъкид мегардад, ки “кӯдакон имрӯз пешгомҳои ояндаи кишваранд ва аз ин рӯ ҳар гуна хароҷот барои тандурустӣ, беҳдошт, маориф, амнияти иҷтимоӣ ва маорифи ин қишри аҳолӣ дар воқеъ як навъ сармоягузории дарозмуддат аст.”
1 июни Рӯзи байналмилалии ҳифзи кӯдак дар беш аз 50 кишвари ҷаҳон таҷлил мешавад ва Тоҷикистон низ аз қабили онҳост.
ЮНИСЕФ Рӯзи ҷаҳонии кӯдаконро 20 ноябр муқаррар кардааст.
Дар баъзе кишварҳо ин сана гуногун аст. Аз ҷумла, дар Зеландияи Нав якшанбеи аввали моҳи март, Тайван ва Ҳонконг 4 апрел, Бангладеш 17 март, Фаластин 5 апрел, дар Туркия 23 апрел таҷлил мешавад. Корея ва Ҷопон 5-уми май, Испания ва Англия якшанбеи дуюми май.
Санаде бо номи “Эъломияи умумии ҳуқуқҳои кӯдак” қабул гардидааст, ки ҳуқуқҳои шаҳрвандӣ, сиёсӣ, иқтисодӣ, иҷтимоӣ ва фарҳангии кӯдаконро муқаррар мекунад. Давлатҳое, ки ба эъломия имзо гузоштаанд, уҳдадоранд, ки аз онро риоя намоянд. Конвенсия аз ҷониби Ассамблеяи Генералии Созмони Милали Муттаҳид 20 ноябри соли 1989 қабул шуда, 2 сентябри соли 1990 эътибор пайдо кард. То кунун 193 кишвари ҷаҳон (ҳамаи аъзои Созмони Милали Муттаҳид ба ҷуз Иёлоти Муттаҳида ва Сомалӣ) ин санадро имзо кардаанд ва он дар 140 кишвари ҷаҳон амалӣ мешавад.
Мутаассифона, имрӯз мушкили кудакон дар саросаи олам ҳал нашуда, дар баъзе кишварҳои Осиёву Африқо кӯдакон зери таҳдиди гуруснагӣ, бесаводӣ, задухӯрдҳои низомӣ ва сироят гардидан ба бемориҳои вазнин зиндагӣ мекунанд. Шумораи фавти кӯдакон дар ин кишварҳо нисбат ба мамлакатҳои пешрафта ду баробар зиёд аст ва беш аз 140 миллион кӯдакон, ки аз нисф зиёди онҳоро духтарон ташкил мекунанд, аз муассисаҳои томактабӣ ва таълимӣ дур мондаанд.
Акс аз интернет
