Кӯштигирони тоҷик дар дар мусобиқаи байналмилалӣ оид ба гуштии юнонию румӣ миёни варзишгарони то 20-сола ду медал — як тилло ва як биринҷӣ ба даст оварданд.
Абубакр Шеров, кӯштигири тоҷик, дар Ҷоми Осиё миёни ҷавонон медали тиллоро соҳиб гардид. Ӯ дар вазни то 66 кг бо шикаст додани ҳамаи рақибонаш ба финал роҳ ёфт. Паҳлавони ҷавон дар қувваозмоии ниҳоӣ Азизбек Ортиқови узбекистониро мағлуб кард ва бо медали тилло сарфароз гашт.
Гуштигири дигари тоҷик Парвиз Абдураҳмонов дар вазни то 100 кило дар даври якум бар Динассил Таттимбеки қазоқ ғолиб омад, вале дар чорякфинал аз Муҳаммадқодир Мансуров аз Узбекистон шикаст хӯрд. Дар даври тассалобахш Темирлан Кайролдаи қазоқро мағлуб кард. Паҳлавони тоҷик барои нишони биринҷӣ бар Габдулманап Ерассил (Қазоқистон) ғолиб шуд.
Акс аз саҳифаи фейсбукии Федератсияи ҷудои Тоҷикистон
