Парвариши картошка дар хоки Миррих, ки дар филми тахайюлии «Марсианӣ» намоиш дода мешуд, рӯзе ба воқеият табдил хоҳад ёфт. Акнун олимон қадами аввалинро дар ин самт гузоштанд — онҳо дар хоки Моҳ рустанӣ парвариш карданд. Чизеро ки миссияҳои кайҳонии Аполлон зиёда аз 50 сол пеш ба Замин оварда буданд.
Вақте оҷонисиҳои кайҳонӣ ва ширкатҳои хусусӣ дар бораи ба Моҳ ва ҳатто Миррих фиристодани одамон ҳарф мезананд, масъалаи бо ғизо, ҳаво ва об таъмин кардани ҳайъат (экипаж) масъаллаи аввалиндараҷа мегардад.Таҷриба нишон дод, ки хоки Моҳ умуман барои ин мувофиқ аст.
Барои тадқиқот намунаҳои хоки моҳӣ (реголит номида мешавад) гирифта шуданд, ки аз ҷониби миссияҳои Аполлон 11, 12 ва 17 солҳои 1969 ва 1972 ба Замин расонида шуданд. Дар ҳар се намуна, олимон дар озмоишгоҳ шоҳии обӣ (watercress) парвариш карданд. Онро хӯрдан мумкин аст ва аксар вақт ба сифати хӯриш. Олимон намунаи санҷиширо дар хок аз хокистари вулқонии заминӣ парвариш намуданд.
Вале олимон кайд мекунанд, ки рӯёнидани растаниҳо дар хоки аз Моҳ овардашуда ба Замин як чиз аст, дар Моҳ тамоман дигар. Барои расидан ба натиҷаи ниҳоӣ таҳқиқоти зиёд лозим мешавад.
Аксҳо аз интернет
