Cоли сипаришуда ҳудуди се миллион китоби дарсӣ ба нашр расидааст.
Вазорати маориф ва илми кишвар иттилоъ медиҳад, соли гузашта 37 номгӯйи китоби дарсиро бо теъдоди 2 миллиону 889 ҳазору 320 нусха барои муассисаҳои таҳсилоти умумӣ, 138 ҳазору 900 нусха адабиёти гуногуни таълимиву методӣ ба нашр расида, чопи 31 номгӯйи китоби дарсӣ бо теъдоди 3 миллиону 197 ҳазору 840 нусха дар чопхонаҳои ватанӣ идома дорад.
Ба забони ӯзбекӣ 24 номгӯйи китоби дарсӣ тарҷума шуда, айни ҳол «Математика» барои синфи 2-юм, «Она тили» (Забони модарӣ) барои синфи 3-юм, «Табиатшунослик» (Табиатшиносӣ) барои синфи 3-юм ба теъдоди 53 ҳазор нусха мавриди чоп қарор доранд.
Айни замон мутобиқсозӣ ва тарҷумаи 10 китоби дарсӣ ба забони қирғизӣ идома дорад: «Кыргыз тили» барои синфи 6-ум, «Математика» барои синфи 3-юм, «Ботаника» барои синфи 6-ум, «Суруд ва мусиқӣ» барои синфи 1-ум, «Алгебра» барои синфи 7-ум, «Қоидаҳои ҳаракат дар роҳ» барои синфҳои 1-ум ва 2-юм, «Географияи Тоҷикистон» барои синфи 8-ум, «Асосҳои иқтисодиёт» барои синфи 11-ум, «Математика» барои синфи 6-ум ва «Русская речь» барои синфи 4-ум идома доштааст.
