Саҳифаҳои чанд вакили парлумони Бритониё ва Созмони Ҷаҳонии Тандурустӣ дар шабакаҳои иҷтимоии X рахна шуда дар онҳо таблиғи криптоасъор нашр шудааст, хабар медиҳад The Guardian.
Ба иттилои нашрия, саҳифаҳои вазири адлияи Бритониё Шабана Маҳмуд ва вакилони Ҳизби Коргар Крис Элмор ва Кэролайн Ҳаррисро рахна кардаанд. Саҳифаи Созмони Ҷаҳонии Тандурустӣ низ мавриди ҳамла қарор гирифтааст.
Нашрия мегӯяд, дар саҳфаҳо паёмҳои шабеҳ нашр шудаанд, ки баъдан ҳазф шуданд.
Моҳи август ҳакерҳо аккаунти расмии ҳамлагари фаронсавии Реал Мадрид Килиан Мбапперо дар шабакаи иҷтимоии X (собиқ Твиттер) шикастанд ва аз номи футболбоз паёмҳои таҳқиромез нашр карда буданд.
Дар байни паёмҳо як паёме низ буд, ки ба бошгоҳи футболи Англия “Тоттенҳэм” ва сиёсати Исроил баҳои манфӣ дода шудааст.
