Президенти Кумитаи миллии олимпии Тоҷикистон Дилшод Назаров, котиби генералӣ Муҳаммадшо Абдуллозода ва директори генералии ин кумита Мавзуна Чориева муштзанҳое, ки аз Чемпионати Осиё баргаштанд, пешвоз гирифтанд.
Ёдовар мешавем, ки дар аввалин Чемпионати Осиё оид ба бокс миёни ҷавонони то 22-сола дар шаҳри Тошканди Ҷумҳурии Узбекистон, ки 22-29 январ доир гардид, дастаи мунтахаби Тоҷикистон 11 медал – 1 тилло, 6 нуқра, 4 биринҷӣ ба даст овард.
Медали тиллоро Давлат Болтаев дар вазни -92кг сазовор шуд. Сумайя Қосимова (48кг), Акбаралӣ Абдураҳмонзода (51кг), Абдумалик Болтаев (75кг), Некрӯз Салимов (80кг), Шаҳбоз Ҳаитов (86кг), Муҳаммад Аброриддинов (+92кг), медали нуқра, Малика Нозимова (63кг), Ҳусния Холова (52кг), Хусравхон Раҳимов (57кг) ва Расул Аҳадов (67кг) медали биринҷӣ ба даст оварданд.
Акс аз сомонаи olympic.tj
