Давлат Болтаев муштзани тоҷикистонӣ дар вазни 92кг тавонист дар финал рақиби қирғизистониаш Рустам Урурсбек уулуро шикаст диҳад ва Чемпионати Осиё гардад.
Дар финалии Чемпионати Осиё оид ба бокс 7 узви дастаи мунтахаби Тоҷикистон муҳориба карданд ва танҳо Давлат Болтаев дар вазни -92кг ба гирифтани медали тилло мушарраф шуд.
Ба иттилои Кумитаи олимпии Тоҷикистон, дигар варзишгарони Тоҷикистон — Сумайя Қосимова (48кг), Акбаралӣ Абдураҳмонзода (51кг), Абдумалик Болтаев (75кг), Некрӯз Салимов (80кг), Шаҳбоз Ҳаитов (86кг) ва
Муҳаммад Аброриддинов (+92кг) аз ҳарифонашон шикаст хурда, сазовори медали нуқра шуданд.
Қаблан Малика Нозимова (63кг), Ҳусния Холова (52кг), Хусравхон Раҳимов (57кг) ва Расул Аҳадов (67кг) медали биринҷӣ ба даст оварда буданд.
Ҳамин тариқ, аз 18 узви дастаи мунтахаби Тоҷикистон дар Чемпионати Осиё оид ба бокс миёни ҷавонони то 22-сола 11 нафар ба гирифтани медал мушарраф шуданд – 1 тилло, 6 нуқра, 4 биринҷӣ.
Дар Чемпионати Осиё оид ба бокс миёни ҷавонони то 22-сола 190 варзишгар аз 12 давлати қора иштирок доштанд.
