Довталабони хориҷие, ки мехоҳанд дар риштаҳои «Кори табобатӣ» ва «Дандонпизишкӣ» таҳсил намоянд, Донишгоҳи давлатии Санкт-Петербург ин шароитро барояшон фароҳам меорад.
Донишгоҳ аз тариқи эълоне ба шаҳрвандони хориҷӣ бобати имкониятҳои хеш маълумот дода, тавсиф намудааст, ки барномаҳо аз рӯи ихтисосҳои «Тибби умумӣ» ва «Дандонпизишкӣ» дар Донишгоҳи давлатии Санкт-Петербург мутобиқи стандартҳои байналмилалӣ, анъана ва равишҳои муосири таҳсилоти олии тиббӣ таҳия ва амалӣ карда мешаванд. Илова бар ин, ихтисосҳои номбаршуда байни довталабони хориҷӣ талабот доранд.
“Дар доираи барномаи дандонпизишкӣ дандонпизишкон омода гардида, донишҷӯён донишҳои бунёдиро аз худ намуда, механизмҳои асосии пайдоиш ва ҷараёни бемориҳои дандонпизишкӣ, усулҳои муосири пешгирӣ, ташхис ва табобати онҳоро меомӯзанд. Дар нақшаи таълим ба ҷуз донишҳои назариявӣ, такмили ихтисос дар клиникаи донишгоҳ пешбинӣ гардидааст. Таваҷҷӯҳ ба дастовардҳои навтарини илм, кор бо таҷҳизоти муосир ва технологияҳои рақамӣ, протезсозии мураккаби дандонҳо омӯхта мешавад.
Омӯзгорон ва коршиносони даъватшуда аз кишварҳои гуногун -донишгоҳҳои Аврупо, Амрико ва Осиё: Донишгоҳи Йел (ИМА); Донишгоҳи Тампере (Финландия); Донишкадаи Каролинска (Шветсия); Донишгоҳи Эссен (Олмон) ва ғайра ба донишҷӯён дарс мегуфтаанд.”
