Раисиҷумҳури муваққатии Сурия бо содир намудани фармон забони курдиро яке аз забонҳои миллӣ ва ҷашни Наврӯзро ҷашни миллӣ ва рӯзи истироҳати умумӣ дар ин кишвар эълон намуд. Агарчи курдҳо дар ин кишвар ин ҷашнро гиромӣ медоштанду таҷлил мекарданд. Минбаъд дар Сурия Наврӯз ҷашни баҳор, соли нав рӯзи истироҳати расмӣ бо пардохти маош эътироф мешавад.
Ёдовар мешавем, ки Наврӯз бо ташаббуси кишварҳои дорои мероси муштараки фарҳангии Наврӯз ба сатҳи байналмилалӣ бароварда шуд. Соли 2009 бо пешниҳоди муштараки Тоҷикистону Эрон, Озарбойҷон, Ӯзбекистон ва чанд кишвари дигар ба Рӯйхати мероси ғайримоддии фарҳангии инсоният дар назди ЮНЕСКО ворид шуда, соли 2010 бо ташаббуси муштараки Тоҷикистон, Эрон, Афғонистон ва чанд кишвари дигар, Маҷмаи Умумии Созмони Милали Муттаҳид 21 мартро ҳамчун “Рӯзи байналмилалии Наврӯз” расман эълон кард.
