Бритониё ва Олмон нақша доранд, ки дар якҷоягӣ низомҳои зеҳни сунъиро барои нерӯҳои мусаллаҳи худ озмоиш, таҳия ва дар оянда ҷорӣ кунанд. Дар ин бора вазири дифои Бритониё хабар додааст.
Ӯ гуфтааст, ки ду кишвар мехоҳанд лоиҳаи муштараки мавҷудаи худро дар соҳаи амнияти сайберӣ бо номи Cyber Lighthouse васеъ кунанд. Қарор аст, ки минбаъд он таҳияи технологияҳои зеҳни сунъиро низ фаро гирад.
Стритинг навиштааст, ки озмоиш, таҳия ва дар ниҳоят ҷорӣ кардани зеҳни сунъӣ дар нерӯҳои мусаллаҳи ду кишвар ҳамкории онҳоро амиқтар карда, имкони муқовимат ба таҳдидҳои эҳтимолиро тақвият медиҳад.
Ба гуфтаи вазири дифои Бритониё, ширкатҳои олмонӣ пас аз имзои созишномаи ҳамкории дифоӣ миёни ду кишвар дар соли 2024 уҳдадор шудаанд, ки барои рушди саноати ҳарбии Бритониё 800 миллион фунтстерлинг, муодили тақрибан 956 миллион евро сармоягузорӣ кунанд.
