Саломуддин Юсуфӣ, муовини якуми вазири тандурустӣ ва ҳифзи иҷтимоии аҳолии Тоҷикистон мегӯяд, айни ҳол арзиши шаҳодатнома барои муоинаи тиббӣ аз 169 то 327 сомониро ташкил медиҳад.
Муовини якуми вазири тандурустӣ ва ҳифзи иҷтимоии аҳолӣ иттилоъ дод, тибқи созишнома, барои мақоми ваколатдори Вазорати тандурустии Русия бояд биноеро вогузор кунанд. Ахиран ба ҳайате аз ҷониби Русия чанд бино аз ҷониби Вазорати тандурустӣ ва ҳифзи иҷтимоии аҳолии Тоҷикистон пешниҳод шудааст. Тибқи санҷишҳои онҳо, то охири моҳи июл онҳо бояд яке аз биноҳоро интихоб кунанд ва онро бо таҷҳизот таъмин намоянд.
Ташхиси тиббӣ як талаботи асосӣ барои гирифтани иҷозаи кор ё патент дар Русия аст.
Созишнома байни ҳукумати Русия ва ҳукумати Тоҷикистон дар бораи тасдиқи муоинаи тиббии шаҳрвандони Тоҷикистон барои ворид шудан ба қаламрави Русия бо мақсади фаъолияти корӣ, ҳануз 9 октябри соли 2025 дар шаҳри Душанбе ба имзо расида буд.
Ин созишнома дар доираи сафари давлатии Владимир Путин, президенти Русия ба Тоҷикистон байни вазоратҳои тандурустии ду кишвар ба имзо расида буд.
Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия дар пайи аз 90 ба 30 рӯз кам кардани муҳлати гузаштани муҳоҷирон аз ташхиси тиббӣ, аз шаҳрвандони кишвар даъват кард, то дар Ватан аз муоийнаи пизишкон гузаранд.
Ин ниҳод дирӯз, 17-уми июн гуфт, ки Русия муҳлати аз ташхиси тиббӣ гузаштани муҳоҷиронро аз 90 рӯз ба 30 рӯз кам кард ва ин тағйир аз 1-уми сентябр иҷро мешавад.
Тибқи ин тағйирот, ба гуфтаи манбаъ, муҳоҷироне, ки 30 рӯз дар ин кишвар мемонанд, бояд ҳар сол аз муоинаи тиббӣ гузаранд. То кунун муҳоҷирон ва хориҷиён, танҳо як маротиба аз муоинаи тиббӣ мегузаштанд.
Намояндагӣ гуфтааст, ки дар сурати дар 30 рӯз аз муоина нагузаштан, муҳоҷирон аз 25 то 50 ҳазор рубл ҷарима, аз Русия ба муҳлати аз 5 то 10 сол ихроҷ мешавад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
