Блогери машҳури амрикоӣ MrBeast (Ҷеймс Доналдсон) аввалин эҷодкори муҳтаво дар YouTube гардид, ки шумораи обуначиёнаш аз марзи 500 миллион нафар гузашт.
Рӯзи 12 июн блогер дар канали худ пахши мустақимеро оғоз кард, ки дар он ҳамроҳ бо мухлисонаш обуначии 500 миллионуми худро интизор буд. Ба ин пахши мустақим 13 миллион нафар ҳамроҳ шуданд.
Ҷеймс Доналдсони 28-сола зодаи иёлати Кансас мебошад. Ӯ канал ё шабакаи худро дар YouTube соли 2012 таъсис додааст. MrBeast асосан бо челленҷҳои ғайриодӣ ва иқдомҳои хайриявии худ машҳур шудааст.
Маъруфтарин видеои ӯ — Бозии калмар дар ҳаёти воқеӣ (Squid Game in Real Life) барои $456,000 мебошад, ки аз рӯи сужаи силсилафилми машҳури «Бозии калмар» таҳия шудааст. Ин навор то имрӯз зиёда аз 934 миллион маротиба тамошо шудааст.
