Дар Душанбе мактаби ройгони технологияҳои рақамӣ таъсис меёбад.
Бо ташаббуси Агентии инноватсия ва технологияҳои рақамӣ дар ҳамкорӣ бо Хадамоти алоқа ва ширкати «Сберобразование» дар шаҳри Душанбе мактаби муосири технологияҳои рақамии «Школа 21» таъсис дода мешавад.
Дар ин муассиса шаҳрвандони аз 18-сола боло метавонанд комилан ройгон касбҳои серталаби соҳаи IT-ро омӯзанд ва ҳамчун муҳандисони рақамӣ, барномасозон ва мутахассисони технологияҳои иттилоотӣ фаъолият намоянд.
«Школа 21» дар бинои маркази тиҷоратии Хадамоти алоқа, воқеъ дар хиёбони Рӯдакӣ 57 ҷойгир шуда, барои 200 нафар пешбинӣ гардидааст. Омӯзиш дар он шабонарӯзӣ буда, иштирокчиён метавонанд вобаста ба вақти муносиб барои худ таҳсил намоянд.
Муҳлати таҳсил вобаста ба самт ва суръати омӯзиш аз 9 моҳ то 2 солро дар бар мегирад.
