Ғолибони даври шаҳрии Озмуни ҷумҳуриявии «Фурӯғи субҳи доноӣ китоб аст» маълум гардид. 6 сентябр дар шаҳри Душанбе ба ғолибон ҷоизаҳо тақдим шуд.
Озмуни мазкур 14-22 август дар Муассисаи давлатии «Маркази кӯдакон ва наврасони шаҳри Душанбе» байни хонандагони муассисаҳои таҳсилоти миёнаи умумӣ, донишҷӯёни муассисаҳои таҳсилоти ибтидоӣ, миёна ва олии касбӣ, баъд аз муассисаҳои таҳсилоти касбӣ (магистрҳо, аспирантҳо, докторантҳо), омӯзгорон, ходимони илм, калонсолон ва намояндагони касбу кори гуногун ташкил шуд.
Дар чор ноҳияи шаҳри Душанбе 411 нафар довталабон, аз ҷумла 230 зан иштирок намуданд.
Дар озмуни мазкур аз шумораи 411 нафар иштирокчӣ 220 нафар хонандаи муассисаҳои таҳсилоти миёнаи умумӣ, 101 нафар донишҷӯи муассисаҳои таҳсилоти миёна ва олии касбӣ, аспиранту докторант ва 90 нафар омӯзгорон, кормандон, калонсолон ва намояндагони касбу кори гуногун буданд.
Дар натиҷаи холгузории ҳайати ҳакамон 120иштирокчӣ аз рӯи номинатсияҳо бо ҷойҳои ифтихорӣ, аз ҷумла 20 нафар сазовори ҷойи якум, 40 нафар- ҷойи дуюм ва 60 нафар- ҷойи сеюм гардида, ба ғолибони ҷойҳои якум 20000 сомонӣ, ҷойҳои дувум 15000 сомонӣ ва ҷойҳои сеюм 10000 сомонӣ мукофотпулӣ ва диплом тақдим шудааст.
