Танзимгарони Иттиҳоди Аврупо мушаххас кардаанд, ки ҳар даҳумин кӯдаки то 13-сола аз Facebook ё Instagram истифода мекунад.
Хулосаи пешакии Комиссияи Аврупо нисбат ба Meta чунин аст, ки ин ширкат натавонистааст истифодаи Instagram ва Facebook-ро аз ҷониби кӯдакони то 13-сола пешгирӣ кунад.
Ба гуфтаи комиссия, натиҷаҳои таҳқиқ нишон медиҳанд, ки системаҳои ин ширкати амрикоӣ қонуни хадамоти рақамиро вайрон мекунанд.
Тибқи қоидаҳои худи Meta, синни ҳадди ақал барои истифодаи ҳар ду платформа 13 сол аст. Аммо, ба гуфтаи комиссия, чораҳои назорати син амалан самаранок нестанд, кӯдакон ҳангоми сабти ном метавонанд дилхоҳ соли таваллудро нишон диҳанд ва ягон механизми санҷиши дурустии он вуҷуд надорад.
Ба арзёбии комиссия, тақрибан 10–12 дарсади кӯдакони то 13-сола аз Instagram ва Facebook истифода мебаранд, ки ба ҳисобҳои худи Meta мухолиф аст.
Дар изҳороте, ки ба Euronews ирсол шудааст, Meta гуфтааст, ки бо ин хулосаҳои пешакӣ розӣ набудааст.
Ин дарҳолест, ки як қатор кишварҳои Иттиҳоди Аврупо имкони манъи пурраи шабакаҳои иҷтимоиро барои кӯдакони то 15-сола баррасӣ мекунанд. Аммо усулҳои санҷиши син то ҳол масъалаи баҳсбарангез боқӣ мемонанд.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
