Вакилон ва мушовирону мутахассисони Дастгоҳи Маҷлиси намояндагон барои истифодаи технологияҳои зеҳни сунъӣ баҳри баланд бардоштани самаранокии раванди қонунгузорӣ аз як омӯзиши 3-рӯзаро гузаштанд.Машварати иттилоотӣ-омузишӣ рӯзҳои 2-5 апрели соли 2026 баргузор гардидааст.
Таҷрибаи муосири парлумонҳои кишварҳои пешрафтаи дунёро дар самти истифодаи технологияҳои зеҳни сунъӣ барои баланд бардоштани самаранокии раванди қонунгузорӣ, автоматикунонии вазифаҳои муқаррарӣ, таҳлили ҳаҷми зиёди маълумот ва таъмини бехатарӣ дар ин равандҳоро баррасӣ гардидааст. «Таваҷҷуҳи махсус ба таъмини самаранокӣ ва шаффофияти фаъолияти парламент бо истифода аз технологияҳои зеҳни сунъӣ ва таҷрибаи байналмилалӣ дар ин самт равона карда шуд.»,-омадааст дар хабар.
Вакили Маҷлиси намояндагон Зафар Ализода ба иштирокчиён иттилоъ додааст, ки тибқи вазифаҳои “Консепсияи гузариш ба технологияҳои рақамӣ ва инноватсионӣ дар Маҷлиси намояндагони Маҷлиси Олии Ҷумҳурии Тоҷикистон” ва тавсияҳои Иттиҳоди байнипарламентӣ вобаста ба гузариш ба технологияҳои рақамӣ дар парламентҳо, қадами навбатӣ барои амалӣ гаштани Консепсияи мазкур ин таъсиси сохторҳои ваколатдор, гузаронидани таҳлилу омузиш ва таҳияи Стратегияи якҷояи гузариш ба технологияҳои рақамӣ дар мақоми олии қонунгузорӣ мебошад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
