Доналд Трамп, Президенти ИМА даъват кардааст, ки мурофиаи додгоҳии Бинёмин Нетаняҳу, сарвазири Исроил дар робита ба парвандаи фасод қатъ шавад. Ӯ Нетаняҳуро «қаҳрамони бузург» номидааст.
Трамп 26 июн дар шабакаи иҷтимоии Truth Social навишт, ки мурофиаи тӯлонии додгоҳӣ бар зидди Нетаняҳу бояд бекор гардад.
Вай навиштааст: «Ман ва Биби (лақаби Нетаняҳу) ҳамроҳ аз ҷаҳаннам гузаштем. Мо бо душмани деринаи Исроил, Эрон, ҷанги сахту шадид доштем. Биби наметавонист бо муҳаббати беандозааш ба «Заминҳои Муқаддас» беҳтар, зирактар ва нерӯмандтар аз ин бошад.
Трамп илова намудааст, ки «маҳз Иёлоти Муттаҳида Исроилро наҷот дод ва акнун Иёлоти Муттаҳида Нетаняҳуро наҷот хоҳад дод.
Нетаняҳу дар се парвандаи ҷудогона- иттиҳоми қаллобӣ, сӯиистифода аз боварӣ ва гирифтани пора айбдор дониста мешавад. Натаняҳуро ба он муттаҳам мекунанд, ки бо арзиши даҳҳо ҳазор доллар сигор ва шампанро аз як коргардони миллиардери Ҳолливуд гирифта, дар иваз ба манфиатҳои шахсӣ ва тиҷоратии ӯ кумак кардааст. Ҳамчунин, ӯро ба он муттаҳам мекунанд, ки ба бархе магнатҳои расонаӣ дар ивази таблиғи мусбат барои худ ва хонаводааш имтиёз додааст.
Мурофиаи додгоҳии Нетаняҳу аз моҳи майи соли 2020, вақте оғоз ёфта, борҳо ба таъхир афтодааст. Ӯ бо баҳонаи ҷанг дар Ғазза ва низоъҳои баъдӣ дар Лубнон мӯҳлат хост.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
