Мӯҳлати ҷазои маҳбусон дар Узбекистон барои хондани китоб кам мешавад.
Мувофиқи меъёрҳои нав, ки барои ташаккули «арзишҳои дурусти маънавӣ ва ахлоқӣ» унвон мешавад, муҳлати ҷазо барои ҳар як китоби хондашуда 3 рӯз кам мегардад, вале дар маҷмӯъ на бештар аз 30 рӯз дар давоми як сол.
Комиссияи махсус бояд китобҳои хондашударо тасдиқ намояд. Ин китобҳо бояд ба рӯйхати адабиёте дохил бошанд, ки тибқи тартиби муқарраршуда тасдиқ гардидаанд.
Соли 2021 дар муассисаҳои ислоҳии вилояти Қарағандаи Қазоқистон лоиҳаи озмоишӣ амалӣ гардид буд, ки тибқи он маҳкумшудагон баъди хондани шумораи муайяни китобҳо аз рӯйхати пешниҳодшуда, онҳоро дар назди комиссия ба таври оммавӣ нақл мекунанд ва эссе менависанд. Пас аз ин, комиссия хулоса медиҳад, ки ба ҳавасмандгардонии маҳкумшудагон таъсир расонда, метавонад ба тағйири шароити нигаҳдорӣ ва озодкунии пеш аз муҳлат мусоидат кунад.
Дар Бразилия як барномаи расмӣ мавҷуд аст, ки онро “Remissão pela Leitura” (Қисман кам кардани ҷазо бо мутолиа) меноманд. Муҳлати ҳабси зиндониён барои ҳар китоби мутолиакарда 4 рӯз коҳиш меёбад, аммо на бештар аз 48 рӯз дар як сол.
Дар Боливия низ мисли Бразилия барои хондани китобҳо ба зиндонииён имконияти кам кардани муҳлати ҷазо пешниҳод шудааст.
Акс аз манбаъҳои боз
